عدد الرسائل : 168 الموقع : الرباض تاريخ التسجيل : 17/09/2007
موضوع: الريال يسوي الهوايل زمان أول.... الخميس سبتمبر 27, 2007 11:56 am
نعم خير: !! اشوفكم مبسوطين على ان هذا اخر موضوع لي بس أحب انوه بس اني نسيت اقول هذا اخر موضوع لي بهالشهر بس لان خلاص جا رمضان وينعاد علينا وعليكم وعلى الأمه الاسلاميه بالخير والمسرات المهم عاد صعبه انزل مواضيع برمضان<<يله انبسطوا بترتاحون من مواضيعي شهر كامل
&الـريـال&
اي نعم وش فيكم مستغربين ياجماعه ترى الريال مبلغ مو بسيط ابد لــكــن << اعجبتي لكن احس اني رسميه الريال هالايام وش يسوي علموني!!ولا شي لو اجي هالايام واعطي بزر 10 ريال عطاني نظره استنكار وحقرني وراح لو اعطي شحاذ ريال رماه بوجهي وعطاني فوقها 5 ريال
اما اول <<أول كلمه تدل على الزمن الماضي الريال وااااااو شي ماحصل اذا أحد عطاك ريال يووووه قمت الوناسه والسعاده
&ذكرياتي مع الريال&
اتذكر اول زمااااااان يوم كنا صغار كان خالي المصرقع يقول لنا طقطقوا اصابع يديني ورجولي واعطيكم عن كل اصبع يطق نص ريال <<طقطقوا يعني خلوها تقول طق عني 20 اصبع تطلع 10 ريال واااااو مبلغ ضخم بصراحه
بعد اتذكر خالي كان يقول لنا قولوا وحده من هالجملتين عشر مرات صح بدون خربطه واعطيكم عشر ريال..يدري ان مافي امل نقولها صح <<حدنا مرتين بعدين ندخل الكلمات ببعض والى يومكم ماقد احد خذ من خالي لو ريال
يله اتحداكم تحدي تقولونها عشر مرات صح ورا بعض وبدون غلط!!
&مروحه الريالات&
واذكر جدي اسبوعا كان يجمعنا كلنا البزران ويجيب ريالات كثيره ويحطها فوق المروحه ويشغلها ويقول يله جمعوا تصير تنزل علينا من فوق ونقعد نجمع ريالات ونتخابط ونتزاحم وعاد حظك ونصيبك احيانا تاخد ريال او ريالين او عشره أو ولاشي بس والله ذا العيال عرابجه يدزدزونا ويخبطونا يعني وانت واقف ماتدري الى فوج من العيال ينقض عليك لانهم شافو ريال جنب رجلك في نهايه الجوله لازم يكون في اصابنات وصياحلين قدمنا لجدي شكوى رسميه ضدهم وصار يحط دور بنات ودور اولاد
في نهايه اللعبه جبرا للخواطر الي ماكسبو شي يوزع عليهم جدي على ريال
&اجراء رسمي بعد كل مسابقه&
بعدين يقوم خالي بعد هالمسابقه يقشنا كلنا في الجمس ويودينا للبقاله ويهدنا فيها كننا بقر ونقعد نراكض ونجمع الله اشيا كثيره حلوه
وفي كل عيد كان جدي يعطي كل واحد عيديه 50 ريال يووووه مبلغ ضخم ننتظر العيد علشانه جا يوم العيد صفينا بالدور وبالكبر وكل واحد ياخذ العيديه يدق راس جدي ببوسه ويقول.. كثر الله خيرك ياجدي << أصول السنع والذرابه نتعلمها منذ الصغر
واخذ الخمسين وادخلها بشنطتي. طبعا بالعيد ننام ببيت جدي ثاني العيد بالصباح مثل العاده قال لنا خالي اركبو بوديكم البقاله<<مبسوط توه متعلم السواقه وبدو البزران ينخرشون ويلبسون وقبل ماأغير بجامتي نطيت لشنطتي اطلع الخمسين واذا بالمصيبه حلت فوق راسي مالقيت خمسينتي بشنطتي واقعد اصيح اصيح وفزعوا معي الباقي وقعدنا ندور ندور وبدو يتبرعون لي كل واحد يعطيني ريال وحالتي مأساويه
ووصل الخبر لجدي وجا وعطاني خمسين جديده وانبسطت ورجعت للمتبرعين تبرعاتهم ورحت البس عشان نروح البقاله يوم لبست ملابسي لقيت الخمسين في جيب البنطلون اثاريني امس حاطتها بالجيب مو بالشنطه ورحت لجدي ورجعت الخمسين الجديده <<أمينه البنت بزياده بس جدي ضحك[<<شف النصب تذكر من 11 سنه انه ضحك وقال حلال عليك المئة واطير من الوناسه يعني تاجره من قلب والظاهر الظاهر اذا ماخانتني ذاكرتي اني باشرت عليهم ذاك اليوم بكرتون ايسكريم كوالتي بالكرز
موضوع: الريال يسوي الهوايل زمان أول.... 
الخميس سبتمبر 27, 2007 11:56 am
!! اشوفكم مبسوطين على ان هذا
وحقرني وراح لو 
<<حدنا مرتين بعدين ندخل الكلمات ببعض 
وعاد حظك ونصيبك احيانا 
وفزعوا معي الباقي
